I landbrukskommunen Naustdal, midt mellom dei to byane Førde og Florø, ligg garden vår. Garden har flott utsikt over den velkjende lakseelva Nausta, som vi sel fiskekort til.
Her er flott gardsmiljø, turterreng og eit fint utgangspunkt for dagsturar til attraksjonar i heile Sogn og Fjordane.
Dei tre heilårshyttene våre held høg standard, og er plassert i utkanten av gardstunet vårt. Vi har eit ønskje om å overraske og overgå forventningar om komfort og trivsel om du skal vere her for ei natt eller meir, sommar som vinter.